الخصوصية
آخر تحديث 26 أكتوبر 2026
- إحنا مين
- عقار ڤاليو (aqarvalu.com) بيعرض أسعار الطلب للعقارات في مصر. للتواصل: hello@aqarvalu.com.
- بناخد منك إيه
- اللي إنت بتختار تديهولنا بس: إيميلك لما تطلب تنبيه أسعار أو نتيجة كشف، ولينك الإعلان أو اسم الكمبوند اللي كتبته. مش بنطلب اسمك ولا رقم تليفونك ولا رقم الوحدة.
- بناخد إيه من الإعلانات
- من الإعلانات المنشورة بناخد الأرقام بس: السعر والمساحة والأوض والنوع والمكان وحالة الاستلام والتواريخ، ولينك الإعلان الأصلي. عمرنا ما بناخد صور ولا وصف ولا أسماء أو أرقام السماسرة.
- ليه
- عشان نبعتلك التنبيه أو النتيجة اللي طلبتها، ونحمي الموقع من السبام. مش بنبيع بياناتك ومش بنبعتلك إعلانات ماطلبتهاش.
- مين بيساعدنا
- شركة الاستضافة وشركة قاعدة البيانات وشركة إرسال الإيميلات، كل واحدة عشان الموقع يشتغل بس.
- الإحصائيات
- بنعد زيارات الصفحات برقم عشوائي بيفضل طول ما التاب مفتوحة، من غير أسماء ولا إيميلات ولا عناوين IP. لو جيت من بوست من بوستاتنا، فيه كوكي بتفتكر البوست ده لمدة ٣٠ يوم. ولما تشترك في تنبيه بنحفظ معاه كود مشفّر من عنوان الشبكة بتاعك، مايرجعش للعنوان الأصلي، عشان نوقف السبام.
- لحد إمتى
- لحد ما تلغي الاشتراك أو تطلب مننا نمسحها. كل إيميل فيه لينك إلغاء الاشتراك.
- حقوقك
- تقدر تطلب نسخة من بياناتك أو تعديلها أو مسحها في أي وقت على hello@aqarvalu.com، وتقدر كمان تشتكي لجهة حماية البيانات في بلدك.